ატმის ტარტი

დღეს მოვამზადე ატმის ტარტი. ზაფხულისთვის ზედგამოჭრილია, მთავარია ცომი და ათასნაირი ხილით შეიძლება მისი გაკეთება.

სამწუხაროდ ვიდეოს გადაღება ვერ მოვახერხე და მხოლოდ ფოტოებს და რეცეპტს დავდებ <3 <3 <3

ცომი:

ავიღებთ 200გ. ფქვილს, 1ს/კ შაქარს, ცოტა მარილს და 100გ. კუბებად დაჭრილს ცივ კარაქს, ყველაფერს დანით კარგად ავკეპავთ, ხელით ვერ ავურევთ რომ კარაქი არ დადნეს. როცა კარაქს კარგად დავაქუცმაცებთ და აერევა ფქვილს დავასხამთ ძალიან ცივ 3-4 ს/კ წყალს , ისევ ვურევთ და შემდეგ სამზარეულო ცელოფანზე გადმოვყრით, მოვაგუნდავებთ და მაცივარში შევინახავთ 30 წთ.

გულსართი:

ამასობაში ატმებს კანიანად დავჭრით დიდ ნაჭრებად, ცოტა შაქარს მოვაყრით და გავაჩერებთ

ცომს გამოვიღებთ, გავიყვანთ ცოტათი, ჩავაფენთ ფორმაში გვერდები რომ ქონდეს, ატმებს ლამაზად მოვაწყობთ და 180 გრადუსზე 30-40 წუთი ვაცხობთ, ოქროსფერი უნდა გახდეს, ატამი უნდა დარბილდეს მაგრამ არ დაიშალოს.

ცხელი კარგია ნაყინთან ერთად <3 <3

გემრიელად მიირთვით <3 <3 <3 <3 <3 <3