ქლიავის პეროგი

გემრიელი, ქლიავის წვენით სავსე პეროგი

ახლა რეცეპტიც:

ყველა ეტაპს ფოტო გადავუღე

დაგვჭირდება:

125გ ფქვილი

1ჩ/კ გამაფხვიერებელი

მწიკვი მარილი

200გ შაქარი (პლუს ცოტა მოსაყრელადაც)

115გ შერბილებული კარაქი

2 კვერცხი

დაახლოებით 10-12 ცალი მსუქანი, ტკბიი ქლიავი

2 ჩ/კ ლიმონის წვენი

1ჩ/კ დარიჩინი

პირველ რიგში ღუმელს ვაცხელებთ 180 გრადუსზე.

1) თასში ჩავყრით ფქვილს, გამაფხვიერებელს და მარილს და მოვურევთ.

2) ცალკე თასში შერბილებულ კარაქს და შაქარს მიქსერით ავთქვეფთ კარგად. დავუმატებთ კვერცხებს, ავთქვეფთ და შემდეგ ფქვილსაც ჩავყრით.

3) საცხობ ფორმას წავუსმევთ კარაქს, ჩავასხამთ ცომს, ზემოდან დავადებთ შუაზე გაჭრილ ქლიავებს, კანი ზემოთა მხარეს უნდა ქონდეს, მოვაყრით შაქარს, დარიჩინს, მოვასხამთ ცოტა ლიმონის წვენს და ვაცხობთ სანამ ოქროსფერი არ გახდება, დაახლოებით 45 წუთი დამჭირდა.

შემდეგ გავაგრილებთ და მივირთმევთ

მაგრამ ყველაზე გემრიელია, თუ რამეს დავაფარებთ და მეორე დღეს შევჭამთ, როცა ქლიავის წვენი კარგად გაუჯდება

გემრიელად მიირთვით <3 <3 <3